TINGNAN: Isinagawa ng Office of Transportation Cooperatives (OTC) ang “Strategic and Operational Planning Session” nito noong ika-28 ng Mayo 2025 sa Tagaytay City.Kasabay ng pagdiriwang sa ika-42 na anibersaryo ng pagkakatatag ng OTC, sinimulan ng mga kawani ng OTC ang pagbabalangkas sa iba’t ibang plano at estratehiya para sa mahusay na serbisyo ng Ahensya. Kabilang dito ang mga inisyatiba ng pamahalaan tulad ng “capacity building activities” na layong makatulong sa mga transport cooperative sa gitna ng pagpapatupad sa Public Transport Modernization Program (PTMP). Partikular dito ang Basic at Advanced Fleet Management System Seminar, Labor Law Seminar, Drivers’ Training on Road Safety & Ethics, at Basic Occupational Safety & Health Training.Pinangunahan nina OTC Chairperson Reymundo D.J. De Guzman, Jr. at Executive Director II at Department of Transportation (DOTr) Spokesperson Ramon A. Ilagan ang naturang programa kung saan nagkaroon ng malalim na diskurso ang bawat dibisyon ng Ahensya. Kaugnay nito, ipinaabot ni DOTr Undersecretary for Road Transport and Non-infrastructure Ramon G. Reyes ang kaniyang mensahe hinggil sa naganap na Strategic Planning at anibersaryo ng OTC.Partikular na hinimay sa programa ang angkop na paggamit ng pondo ng Ahensya, gayundin ang palitan ng suhestiyon upang matiyak na maihahatid nito ang mas mabilis, pinalawak, at kalidad na pangunahing serbisyo para sa publiko.Naging bahagi rin ng programa ang mga serbisyo na tagumpay na inilunsad ng OTC tulad ng pagsasagawa ng Cooperative Education and Transport Operations Seminar (CETOS), Assess and Assist, Financial Management Assistance, at iba pang gabay para sa mga transport cooperative. Kaugnay nito, binigyang-diin din sa gitna ng naturang aktibidad ang mahalagang gampanin ng OTC hanggang sa mga susunod na taon upang tiyakin na maayos at makatao ang pagpapatupad sa PTMP.
