𝗣𝗔𝗚𝗕𝗔𝗧𝗜 𝗦𝗔 𝗕𝗔𝗚𝗢𝗡𝗚 𝗞𝗔𝗟𝗜𝗛𝗜𝗠!

Isang malaking pagbati at pagpupugay ang nais ipaabot ng Office of Transportation Cooperatives (OTC) kay 𝗗𝗲𝗽𝗮𝗿𝘁𝗺𝗲𝗻𝘁 𝗼𝗳 𝗧𝗿𝗮𝗻𝘀𝗽𝗼𝗿𝘁𝗮𝘁𝗶𝗼𝗻 (𝗗𝗢𝗧𝗿) 𝗦𝗲𝗰𝗿𝗲𝘁𝗮𝗿𝘆 𝗩𝗶𝘃𝗲𝗻𝗰𝗶𝗼 “𝗩𝗶𝗻𝗰𝗲” 𝗗𝗶𝘇𝗼𝗻 bilang bagong itinalagang kalihim ng naturang kagawaran.

Batid ng Ahensya ang sapat na karanasan at kahusayan na taglay ng bagong kalihim upang pangasiwaan ang iba’t ibang programa at proyekto sa ilalim ng kasalukuyang administrasyon, gayundin ang kaniyang kaalaman sa pagtugon sa mga pagsubok na kinakaharap ng sektor ng transportasyon. Inaasahan ng OTC na sa bagong pamumuno ni DOTr Secretary Dizon ay patuloy na iigting ang dedikasyon ng kagawaran at mga ahensya sa ilalim nito sa pagsulong sa mga hakbang at inisyatiba ng pamahalaan para sa hinaharap. Lubos ding naniniwala ang Ahensya na sa pamamagitan ng pamumuno ng bagong kalihim, patuloy na mapaghuhusay ang mga reporma at proyekto na una nang binalangkas ng kagawaran, sa layong makamit ang isang progresibo, modernisado, at kalidad na sistema ng transportasyon sa bansa. 

Sa kabila ng malaking pagbabago na ito, nais bigyang-diin ng OTC na mananatili itong aktibo sa mandato at bukas sa pagsuporta sa mga hangarin at misyon ng kagawaran para sa sektor ng pampublikong transportasyon sa bansa.