Si Ginoong Arnold Alamano, Board of Director (BOD) ng A. Roces Transport Service Cooperative, ay isa sa mga lumahok sa isinagawang Social Security System (SSS) Membership Caravan ng Office of Transportation Cooperatives (OTC) katuwang ang SSS noong ika-04 ng Agosto 2025 sa Quezon City.
Kabilang si Ginoong Misael Melinas, Chairman ng Juan Transport Service Cooperative at National Federation of Transport Cooperatives (NFTC), sa mga opisyal na dumalo sa Social Security System (SSS) Membership Caravan ng Office of Transportation Cooperatives (OTC) at SSS noong ika-04 ng Agosto 2025 sa Quezon City.
TINGNAN: Matagumpay na isinagawa ng Office of Transportation Cooperatives (OTC) at Social Security System (SSS) ang unang serye ng SSS Membership Caravan para sa hanay ng mga transport cooperative kahapon, ika-04 ng Agosto, sa Quezon City.
TINGNAN: Libreng ipinaabot ng Office of Transportation Cooperatives (OTC), katuwang ang Philippine Health Insurance Corp. (PhilHealth) at ang Quezon City Government – Health Department, ang ilang programa at serbisyong pangkalusugan para sa mga miyembro at opisyal ng iba’t ibang transport cooperatives sa bansa.
Isa si Raul Cruzada, Vice Chairman ng Northern Panay Transport Cooperative, sa mga nakakuha ng panibagong kaalaman hinggil sa mga batas at alituntunin para sa mga manggagawang Pilipino sa pamamagitan ng isinagawang Labor Law Seminar ng Office of Transportation Cooperatives (OTC) at Department of Labor and Employment (DOLE) – Workers’ Welfare and Protection Cluster noong ika-19 ng Setyembre 2024 sa Iloilo City.
𝐓𝐈𝐍𝐆𝐍𝐀𝐍: Bilang mahalagang uri ng mga pagsasanay at aktibidad pang-edukasyon sa ilalim ng Public Transport Modernization Program (PTMP), muling pinangasiwaan ng Office of Transportation Cooperatives (OTC), sa tulong ng Department of Labor and Employment – Workers’ Welfare and Protection Cluster (DOLE-WWPC), ang Labor Law Seminar na ginanap noong ika-19 ng Setyembre 2024 sa Iloilo City at dinaluhan ng 82 mga opisyal at kasapi na kumakatawan sa 28 transport cooperatives sa iba’t ibang lugar sa Region VI.
𝐓𝐈𝐍𝐆𝐍𝐀𝐍: Bilang bahagi ng patuloy na adbokasiya para sa mas ligtas at responsableng pagmamaneho at suportang aktibidad ng Public Transport Modernization Program (PTMP), muling nagsagawa ang Office of Transportation Cooperatives (OTC), katuwang ang Land Transportation Office (LTO), ng Drivers’ Training on Road Safety and Ethics para sa mga tsuper mula sa iba’t ibang transport cooperatives sa Region III na ginanap noong ika18 hanggang ika-19 ng Setyembre 2024 sa Bulwagan ng mga Gobernador, Provincial Capitol Building, Tarlac City.
𝐓𝐈𝐍𝐆𝐍𝐀𝐍: Sa ikalawang araw ng Basic Fleet Management System (FMS) Seminar nitong ika-14 ng Setyembre 2024 sa Maynila, naging bisita si Department of Transportation (DOTr) Undersecretary for Road Transport and Infrastructure Jesus Ferdinand D. Ortega upang muling magbigay ng mensahe at inspirasyon sa mga kinatawan ng 23 transport cooperatives na lumahok sa nabanggit na pagsasanay. Sa kabila ng kaniyang mga abalang iskedyul, nakapaglaan pa rin si Usec. Ortega ng oras para ipakita at ipadama ang kaniyang suporta at adhikain para sa mga transport cooperative.
𝐓𝐈𝐍𝐆𝐍𝐀𝐍: Sa pagsisikap na makapagbigay ng iba’t ibang uri ng mga pagsasanay bilang agapay sa mga transport cooperative na lumahok at nagpapatupad ng Public Transport Modernization Program (PTMP), muling nagsagawa ng Basic Fleet Management System (FMS) Seminar ang Office of Transportation Cooperatives (OTC), sa tulong ng University of the Philippines – National Center for Transportation Studies Foundation, Inc. (UP-NCTSFI).
𝐓𝐈𝐍𝐆𝐍𝐀𝐍: Bilang bahagi ng mga plano patungkol sa implementasyon ng mga aktibidad sa pagbubuo at pagtataguyod ng mga kapasidad ng mga transport cooperative para sa maayos na transisyon sa Public Transport Modernization Program (PTMP), ipinagpatuloy ng Office of Transportation Cooperatives (OTC), sa tulong ng University of the Philippines – National Center for Transportation Studies Foundation, Inc. (UP-NCTSFI), ang pagsasagawa ng Basic Fleet Management System (FMS) Seminar sa Sta. Cruz, Maynila noong ika-06 hanggang ika-07 ng Setyembre 2024.