𝟑𝟓𝐭𝐡 𝐍𝐀𝐓𝐈𝐎𝐍𝐀𝐋 𝐒𝐓𝐀𝐓𝐈𝐒𝐓𝐈𝐂𝐒 𝐌𝐎𝐍𝐓𝐇

Nakikiisa ang Office of Transportation Cooperatives (OTC) sa pagdiriwang ng buong bansa sa “35th National Statistics Month” ngayong darating na buwan ng Oktubre, alinsunod sa Proklamasyon Blg. 647 ng Tanggapan ng Pangulo ng Pilipinas.

Sa temang, “Advancing Data and Statistics through Digital Transformation: A Road to an Empowered Nation”, pangungunahan ng Philippine Statistics Authority (PSA), sa tulong ng Philippine Statistical System, ang pagbibigay-diin sa mahalagang papel ng teknolohiya bilang isang instrumento na maaaring gamitin para sa mas epektibong pangongolekta ng datos at pagbabalangkas ng mga pag-aaral na kinakailangan upang makapaghatid ng kalidad at maaasahang serbisyo sa publiko.

Kaugnay nito, hinihikayat ng buong tanggapan ng OTC ang lahat ng Pilipino, higit lalo ang mga kawani ng gobyerno, na magpakita ng kanilang suporta sa naturang pagdiriwang sa pamamagitan ng pagyakap sa mga modernong pamamaraan at makabagong teknolohiya upang mapagtibay ang pundasyon ng pamahalaan tungo sa mas progresibong serbisyo sa bayan.